X Congreso Internacional da AEIC 2026 en Pontevedra

Por que asistir?

O X Congreso Internacional da Asociación Española de Investigación en Comunicación (AEIC) celebrarase en Pontevedra do 19 ao 22 de maio de 2026, consolidándose como o principal encontro académico de referencia no ámbito da investigación en comunicación en España. O congreso terá lugar na Facultade de Comunicación da Universidade de Vigo, situada no Campus CREA, un espazo universitario estreitamente vinculado á creación, ao pensamento crítico e á investigación contemporánea.

Baixo o lema “Comunicar en incertidumbre”, esta edición propón unha reflexión colectiva sobre os retos actuais da comunicación nun contexto marcado pola complexidade social, tecnolóxica e cultural. O congreso ofrece un espazo de diálogo e análise no que se abordarán cuestións clave para comprender o papel da comunicación nas sociedades actuais, desde unha perspectiva rigorosa, crítica e interdisciplinar.

O Congreso AEIC 2026 está aberto á participación de investigadoras e investigadores, estudantes de doutoramento e máster, profesionais do sector da comunicación e persoas interesadas na investigación e na análise dos procesos comunicativos, tanto no ámbito nacional como internacional. A súa vocación é servir como punto de encontro para compartir coñecemento, presentar resultados de investigación, debater enfoques teóricos e metodolóxicos e fortalecer redes de colaboración académica.

Modelo resposable e sostenible

A organización do congreso aposta por un modelo de evento responsable e sostible, promovendo prácticas orientadas á redución do impacto ambiental, ao uso racional dos recursos, á mobilidade sostible e a unha comunicación inclusiva e accesible. Este compromiso coa sustentabilidade está en coherencia cos valores da AEIC e coa identidade da cidade de Pontevedra, recoñecida polo seu modelo urbano centrado nas persoas.

A información relativa á chamada de traballos, aos prazos de inscrición e ao programa do congreso publicarase progresivamente nesta web a medida que vaian sendo confirmados os distintos procesos organizativos. Recoméndase consultar regularmente as seccións correspondentes para acceder ás actualizacións oficiais.